desperate housewives thing

mahaba-habang discussion na naman 'to.

Ang totoo hindi ko kilala si Teri Hatcher, nabalitaan ko lang kanina sa office at katulad ng hinala ko, instant blog topic na naman siya.

Maaaring may magagalit pero sasabihin ko lang ang personal kong nararamdaman sa komentong binitiwan niya.

Sa akin, totoong maraming masasaktang mga Filipino, lalo na ang mga OFW's natin na medical-related ang work, totoong may pagkairesponsable ang nagsulat ng kwento. Pero gayunman, hindi ako nababahala at hindi ako naapektuhan.

Iniisip kong ito ay isang literature. Hindi natin masasala, hindi natin mapipigilan ang mga manunulat gaya natin. Totoong may kanya-kanyang biases sila. Alam naman natin ang potential natin, alam natin na magaling tayo, masikap kahit kapos ang ating educational institution sa mga gamit. Kaugnay nito, alam din natin minsang  naiskandalo ang Nursing Board Exam na maaaring pinanggalingan ng ideya mula sa manunulat. Natawa ako sa isang comment mula sa isang blog tungkol dito, sabi niya, bakla daw ang nagsulat. Parang dun pa lang, parang may himig discrimination ata.

I dont think makakaapekto masyado sa mga manonood ang ganoong comment. Sa mga pelikula natin o programa sa tv, hindi ba't hindi rin nakaliligtas ang mga dayuhan. Ang mga Indian halimbawa, ang mga Chinese o Tsinoy, ang mga Hapon, mga Koreano  kahit naman mga Amerikano minamaliit natin. Nagkataon lang na Filipino ang wika at hindi naiintindihan maipalabas man sa labas ng bansa o mapanood ng dayuhan.

Hindi naman natin mahihingi ang respeto o pananalig mula sa kanila gaya ng respeto natin para sa kanila.

Hamon ito para sa atin na lalo pang pagbutihin ang ating mga trabaho, pagalingin ang ating mga institusyon at ayusin ang hindi magandang imahen ng bansa sa pamamagitan ng paggawa ng tama.

Baka naman masyado na tayong nagiging sensitibo at hindi na natin naihihiwalay ang sarili natin sa binabasa at napapanood natin.

Gaya naman ng pagsusulat, hindi ba mayroon rin namang mga taong nagrereact taliwas sa sinusulat mo.  May mga programa sa TV na hindi mo gusto ang linya. Para sa akin maliit na bagay ito para bigyang pokus at pasakitin ang ating loob. Opinyon lang. Ika nga, trabaho lang.